Data de emisión: 03 novembro 2005
Con motivo do Cume Euromediterráneo (Euromed), que terá lugar en Barcelona os días 27 e 28 de novembro, emítese un selo conmemorativo que deixa constancia desta importante reunión que se desenvolve entre os países da ribeira mediterránea.
O Cume Euromediterráneo, que no ano actual adoptou este nome ao contar por primeira vez coa presenza dos xefes de Estado e de Goberno, supón o décimo encontro desde que, en 1995, nacera na Cidade Condal a I Conferencia Euromediterránea, á que asistiron os ministros de Asuntos Exteriores dos países membros da organización. O obxectivo do Cume céntrase en establecer “un exemplo único de rexionalismo aberto entre a Unión Europea e os países da ribeira sur do Mediterráneo para crear, de común acordo, unha zona de estabilidade política e de prosperidade económica”. A Euromed está previsto que asistan os responsables de preto de 40 países, entre os que se encontran os 25 da Unión Europea, os aspirantes a esta de Bulgaria e Romanía, e todos os países do sur do Mediterráneo, incluídos Israel e a Autoridade Nacional Palestina. A única excepción é Libia, que asiste en calidade de observador permanente. Co fin de mellorar a política de veciñanza e de atallar os grave problemas que se sufriron nos últimos anos, como os continuos conflitos en Oriente Medio, o auxe do terrorismo internacional e os fluxos migratorios descontrolados, entre os puntos a debater no actual Cume figuran como máis destacados a creación dunha rede europea de cooperación policial e xudicial para a loita contra o terrorismo e a delincuencia organizada. Así mesmo, e para manter a estabilidade da África mediterránea preténdese facer especial fincapé no fenómeno migratorio, adoptando medidas conxuntas de xestión entre os Estados membros. O Cume Euromediterráneo terá lugar na sede do Centro de Convencións Internacionais de Barcelona (CCIB), emblemático lugar onde o pasado ano tivo lugar o Forum das Culturas de Barcelona 2004. No selo reprodúcese unha imaxe da cidade e o logotipo oficial do encontro.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.