Data de emisión: 22 marzo 2006
Por segundo ano consecutivo, o programa de Televisión Española Al Filo de lo Imposible volve ser protagonista da emisión dun novo miniprego formado por seis selos e seis viñetas sen valor postal. A emisión inclúese na serie Deportes e mostra un conxunto de imaxes tomadas polos protagonistas do programa e cedidas expresamente para compoñer este atractivo miniprego. Fieis ao traballo en equipo, á solidariedade, ao risco e á aventura, o programa de Al Filo continúa explorando os poucos lugares que aínda quedan virxes no planeta. A serie comezou a emitirse hai máis de 20 anos pola televisión pública e os seus documentais permitíronnos coñecer os lugares máis sorprendentes e inimaxinables da xeografía universal. Para Sebastián Álvaro, director do programa, o que pretende transmitir Al Filo de lo Imposible “é unha forma diferente de entender a vida. E isto supón un profundo respecto polos lugares, as persoas e as culturas que se coñecen”. No miniprego reprodúcense escenas deportivas como a bici de montaña, que permite internarse por pistas recónditas e de difícil acceso. Un dos macizos máis idóneos da Península Ibérica para realizar esta actividade deportiva é o Pirineo, que aparece na emisión, O parapente é unha modalidade de voo libre que se practica saltando desde a montaña cun paracaídas. Na década dos noventa o equipo de Al Filo sobrevoou os volcáns máis altos da Terra, algúns deles na rexión chilena de Antofagasta, na imaxe. A travesía de desertos é a aventura en estado puro. No inverno de 2004, un equipo do programa levou a cabo a repetición da travesía realizada polo alemán Gerhard Rohlfs en 1874, percorrendo 800 quilómetros polo deserto Líbico (Exipto). A tarefa de circunnavegar a Península Ibérica en kaiak comezárona tres piragüistas de Al Filo no Mediterráneo, que aparece no selo. Nesta modalidade de remo hai que levar encima da piragua a tenda e todo o necesario para sobrevivir na travesía. Durante tres meses percorreron máis de 3.500 quilómetros. O ráfting permite descender entre correntes e augas bravas de ríos tumultuosos. O Bío Bío (Chile) é un dos máis complicados. O descenso de barrancos compaxina as técnicas da espeleoloxía e a escalada, permitindo internarse en lugares como este da illa Reunión, que garda no seu interior algúns dos barrancos máis profundos e fermosos do planeta.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.