ESPAÑA 06. EXPOSICIÓN MUNDIAL DE FILATELIA. EL FLAMENCO

Tradición e vangarda danse a man no baile e cante flamencos. Arte cuxas orixes, a pesar de que estean aínda pouco claras e continúen sendo debatidas, o que resulta innegable é o seu forte arraigamento no noso país e en particular a Andalucía. Hai quen afirman que o flamenco chegou á Península Ibérica cos pobos árabes. Outros cren que procede da India. Non obstante, logran maior credibilidade os que aseguran que nos chegou a través de xitanos emigrados dos Países Baixos. De aí a denominación de flamenco. Sexa cal fora a súa orixe, o certo é que onde máis fondamente callou foi en Andalucía e desde alí transcendeu ao resto de España, nación onde hoxe o flamenco, entendido desde a danza e o canto, forma parte inseparable da súa cultura. É polo que agora queda plasmado nunha folla bloque da Exposición Mundial de Filatelia 2006, máis aínda cando a súa sede de celebración é Málaga, cidade e núcleo importante de xurdimento e creación do baile e cante flamencos. Por isto, os nomes de dous grandes expoñentes desta arte: Cristina Hoyos e José Mercé quedarán inmortalizados nos selos.

A bailaora sevillana, Cristina Hoyos Panadero, especializouse aos dezaseis anos en baile flamenco traballando en distintos tablaos, ata que en 1969 coñeceu a Antonio Gades quen a incorpora á súa compañía como parella de baile. En 1974 interpretou en Bodas de Sangre o papel principal de Noiva. Protagonizará papeis relevantes en montaxes de teatro, ballet e cine inspirados en Carmen, El Amor Brujo, Montoyas y Tarantos, Yerma, Al compás del tiempo y Tierra adentro, espectáculos cos que celebra xiras por todo o mundo. O seu baile distinguiuse pola súa gran técnica, onde manifesta un perfecto equilibrio entre o forte enraizamento que se somerxe o seu baile e a modernidade. Hoyos posúe importantes galardóns como: Premio Nacional de Danza, Medalla de Ouro de Andalucía e Medalla de Ouro das Belas Artes, entre outros. O cantaor xerezano, José Mercé, iniciouse como cantor da escolanía da Mercé, de aí o seu nome artístico. Con doce anos debutou nos festivais flamencos de Xerez. En 1973 pasou a formar parte da compañía de Gades coa que realizou xiras por todo o mundo. Protagonizou diversas actuacións co Ballet Nacional. Posúe unha ampla discografía e, desde os anos 80 a hoxe, obtivo numerosos recoñecementos e galardóns. A folla bloque foi deseñada polo Estudio Jesús Sánchez.