Data de emisión: 05 maio 2006
A cidade gaditana de Alxeciras acolle entre os días 5 e 13 de maio a XLIV edición da Exposición Filatélica Nacional EXFILNA 2006. Exposición que este ano coincide coa conmemoración de dous grandes acontecementos que tiveron lugar en Alxeciras en 1906: un, a celebración da Conferencia Internacional sobre Marrocos, e outro, a constitución da Xunta de Obras do Porto. Na folla bloque, que se emite con motivo da celebración desta nova edición, reprodúcese unha panorámica aérea do porto de Alxeciras, mentres que o selo ofrece unha vista da fachada da Casa do Concello.Nos espazos da súa Casa do Concello decimonónica, concretamente no Salón de Plenos, tivo lugar o día 16 de xaneiro de 1906 a sesión inaugural da Conferencia Internacional sobre Marrocos. Na devandita reunión tratáronse temas tan relevantes como o principio de soberanía do sultán de Marrocos, a integridade do Estado Marroquí, a liberdade de comercio, a recadación de impostos, a represión do contrabando ou o control aduaneiro, entre outros asuntos. Esta Conferencia de Alxeciras, na que houbo representantes de diversos países (Alemaña, Austria, Estados Unidos, Francia, Gran Bretaña, Italia, Marrocos, Países Baixos, Rusia, Suecia Portugal e España), que se clausurou o 7 de abril de 1906, veu poñer en evidencia a situación estratéxica da cidade e a necesidade de dotala de importantes infraestruturas.Tamén en setembro de 1906 quedou constituída a Xunta de Obras do Porto, cuxa construción se iniciou en 1913. Desde a Idade Media o porto de Alxeciras, ademais de ser un dos de maior tráfico entre ambas as beiras do Estreito, serviu de escala case obrigada no tránsito entre o Mediterráneo e o Atlántico. Actualmente o de Alxeciras é un porto en pleno desenvolvemento e crecemento. Ao desenvolvemento industrial súmanse hoxe o tráfico de pasaxeiros, vehículos e mercadorías a través do Estreito, actividades que se foron incrementando nestes últimos anos e que están xerando unha importante riqueza para Alxeciras e a súa contorna.EXFILNA 2006, unha das exposicións máis importantes da filatelia española, con esta cita de Alxeciras vén dar un novo impulso e estímulo ao coleccionismo de selos.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.