JUGUETES

A emisión deste carné de oito selos autoadhesivos que Correos pon en circulación e que reproducen imaxes de xoguetes antigos, sen dúbida, servirá aos maiores como recordatorio dos momentos máis felices da súa infancia e serán percibidos como fieis iconografías dos instrumentos que protagonizaron os seus xogos. Aos pequenos, valeranlles como coñecemento e visión dos xoguetes que empregaron os seus maiores. Estas pezas, que encheron de ledicia a infancia de moitos de nós, ao ser contempladas agora, é posíbel que esperten en máis de un reflexos dos tempos da súa nenez. Os xoguetes reproducidos neste carné, hoxe, pola súa beleza e calidade, pasaron a ser auténticas pezas de museo. De feito, incrementan os fondos museísticos de numerosas institucións onde poden ser contemplados. Así, os monifates que ilustran un selo forman parte do Teatro de Monifates da Colección Ismael, de Sevilla a Nova, conxunto integrado por máis de 400 monifates representativas de diversos países, realizadas en distintas técnicas e materiais.

Os restantes selos reproducen: buxainas procedentes do Museu del Joguet de Catalunya, situado en Figueres, institución inaugurada en 1982 e que exhibe preto de 4.000 pezas entre meccanos, teatrines, cociñas, buxainas, avións, coches, trens, bonecas e xogos para invidentes; un coche, do Museu de la Joguina, Colección Tomàs Pla de Sant Feliu de Guíxols, que tras ser inaugurado no 2000, conta cun fondo de 3.500 pezas, en madeira, lata e plástico, que abranguen desde 1875 a 1975; un camión do Museu dels Joguets de Dénia, institución que mostra a ampla variedade de produción de xoguetes de Denia desde comezos do século XX ata os anos 60; a Mariquita Pérez da Fundación Raquel Chaves, de Vigo, boneca que dá nome á súa marca e cuxa produción se iniciou e popularizou durante a posguerra española e abrangueu ata mediados dos anos 70, foi entón unha das bonecas máis desexadas e, na actualidade, é considerada unha valorada peza de museo; unha caixa de bólas do "Museo Castellano-Manchego del Juguete", de Mohedas de la Jara, aberto no 2000 e cuxos fondos se nutren de máis de 6.000 pezas de todo tipo e épocas; un cabaliño e carruaxe do Museu de la Jugueta de Sa Pobla, foron seleccionados de entre as 4.000 pezas industriais e artesanais dos séculos XIX e XX, das súas coleccións; finalmente, unha moto da Fundació Museu Valencia del Joguet d´Ibi, creado en 1990, forma parte dos 444 xoguetes de lata dos fondos cedidos pola familia Payá.