Data de emisión: 06 febreiro 2006
A Asemblea Xeral das Nacións Unidas declarou o ano 2006 como Ano Internacional dos Desertos e a Desertificación, tema ao que se dedica un selo enmarcado na serie Natureza. Frear a desertificación no planeta, así como os seus devastadores custos ambientais, sociais e económicos son algúns dos obxectivos formulados polas Nacións Unidas para concienciar a todos os países da necesidade de atallar este grave problema que afecta a máis de 1.200 millóns de persoas en todo o mundo. Aínda que os expertos sinalan que África é un dos continentes máis afectados, a desertificación ameaza tamén unha terceira parte da superficie do planeta, incluídos os países da cunca mediterránea. Un estudo da Axencia Europea de Medio Ambiente indica que a temperatura media do continente europeo aumentou nos últimos 100 anos por encima da media mundial e sinala que continuará aumentando durante este século entre 2 e 6,3 graos centígrados dependendo de se se toman ou non medidas de contención de emisións de dióxido de carbono e outros gases de efecto invernadoiro, que provocan o quecemento do planeta. Entre as zonas máis afectadas figuran Francia, Italia e Grecia e en maior medida España e Portugal, así como os países da zona nordeste de Europa. En canto ás precipitacións, o mesmo estudo vaticina que se producirán máis chuvias nas rexións setentrionais europeas e máis secas nas meridionais, o que supón un meirande desequilibrio ambiental. España presenta un risco de desertificación alto ou moi alto que afecta a máis do 31% do seu territorio, concentrándose de forma maioritaria nas rexións de Murcia, Levante, Andalucía e Castela-A Mancha. Por este motivo, o Ministerio de Medio Ambiente destinou, para o período 2005-2008, máis de 82 millóns de euros para paliar os efectos da desertificación producido tanto por factores naturais como humanos. Entre as actuacións a levar a cabo figura a implantación de cuberta vexetal protectora e fixadora de solos, que se está poñendo en marcha a través das comunidades autónomas. A loita contra a desertificación esixe reducir nun tanto % elevado as emisións de gases de efecto invernadoiro, e os expertos sinalan a necesidade urxente de que os países desenvolvidos reduzan estas emisións e se cree un maior respecto ecolóxico.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.