Data de emisión: 03 novembro 2006
Tras as follas bloque e selos xa emitidos e dedicados a vidreiras das catedrais de Sevilla, Toledo, León, Xirona, Vitoria e Ávila, ademais dos correspondentes ao Alcázar de Segovia e ao Hospital Real de Santiago de Compostela, tócalle agora a vez á da Escola Técnica Superior de Arquitectura da Universidade Politécnica de Madrid.
Xurdiu esta fermosa vidreira nos talleres Maumejean de Madrid. Aínda que era norma da empresa que os seus traballadores (debuxantes, pintores, cortadores e chumbeiros) nunca asinaran as súas creacións, foran autores anónimos, sábese que foi Alberto Martorell, un dos mellores artistas vidreiros do século XX, o autor dos bosquexos e cartóns nos que se basea este singular traballo artístico. A el débense, ademais desta vidreira da Escola Técnica Superior da Universidade Politécnica, algunhas das tamén excepcionais vidreiras do Banco de España de Madrid. A Casa Maumejean Hermanos, cuxo obradoiro foi fundado en 1860, contou con establecementos en París e Madrid. En España converteuse no obradoiro vidreiro máis importante do século XIX, sobre todo cando se estableceron aquí os irmáns José e Enrique Maumejean. Da Casa Maumejean hai varias vidreiras en construcións madrileñas como: o colexio Blanca de Castilla, o edificio Prensa Española e casas particulares da Gran Vía e de Alfonso XII. De igual maneira, as situadas no vestíbulo, escaleira e sala principal de operacións do Banco de España son execucións da Casa Maumejean. Tamén en Barcelona e outras localidades catalás hai varias creacións dos irmáns Maumejean como son as vidreiras de Caixa de Sabadell, ademais das da barcelonesa casa Pérez Samanillo e de varias catedrais españolas nas que interviñeron restaurando e repoñendo as súas vidreiras. A actividade dos Maumejean estivo dedicada á restauración de vidreiras antigas e á realización de novas. Estas últimas, realizadas en variados estilos con predominancia do ecléctico. A folla bloque que nos ocupa reproduce a vidreira en cuxa composición hai alusións á arquitectura e á construción. As figuras, desde a súa concepción e historicismo, preludian as formas da Art Dèco e da estética modernista. De esta hoja bloque se realizó una Prueba de color .
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.