Data de emisión: 07 maio 2007
Con motivo da tradicional emisión titulada Día do Selo, ponse en circulación un autoadhesivo dedicado ao Asociacionismo Filatélico Español co que se destaca a importancia que a unión do coleccionismo tivo ao longo do tempo.
O 10 de abril de 1869, un grupo de afeccionados ao coleccionismo filatélico creou en Londres The Philatelic Society London, a asociación filatélica máis antiga do mundo. Polo seu prestixio e recoñecemento internacional, co que segue contando na actualidade, outorgóuselle o título de Real en 1906, pasando a denominarse The Royal Philatelic Society London. Baseándose na idea inglesa, o asociacionismo filatélico foise fraguando no resto dos países. En España as primeiras asociacións xurdiron a finais do século XIX, sendo unha das pioneiras “A Sociedade Filatélica de Sevilla”, fundada en 1895. En 1900 naceu a “Unión Filatélica Valenciana” en cuxo regulamento, publicado en español e francés, se recollen detalladamente os obxectivos da sociedade. Curiosamente establece unha “Sección de Cambios” de selos entre os socios cunha “folla de ruta” rigorosamente controlada. Esta asociación e a puxante “Sociedade Filatélica Catalá”, de Barcelona, trataron desde principios do século XX de unir a filatelia española para que comerciantes e coleccionistas puideran crear círculos e sociedades filatélicas en común. En 1908 celebrouse en Zaragoza o Primeiro Congreso Filatélico Español e en 1909 tivo lugar en Valencia a Primeira Exposición Filatélica no noso país. Paulatinamente continuaron celebrándose encontros sobre filatelia, nos que cada vez con maior interese se considerou a necesidade de crear unha asociación de carácter nacional que aglutinara a todas as existentes. Isto fíxose realidade en 1963 coa fundación da “Federación Española de Sociedades Filatélicas” que ten como finalidade promover, fomentar e desenvolver a filatelia, a numismática e outras actividades análogas de coleccionismo, así como fortalecer as relacións entre as sociedades filatélicas que se integran nela a través das federacións territoriais que existen en cada comunidade. A nivel internacional existen diferentes federacións de asociacións filatélicas. A “Federación Internacional de Filatelia” (FIP), a “Federación Europea de Asociacións Filatélicas” (FEPA), a “Federación Interamericana de Filatelia” (FIAF) e a “Asociación Internacional de Experto en Filatelia” (AIEP), encóntranse entre as máis relevantes.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.