Data de emisión: 20 xaneiro 2007
Dous talonario de selos autoadhesivos reproducen a imaxe da rosa e a bubela, protagonizando a nova emisión de Flora e Fauna.
A rosa, unha das flores máis populares e coñecidas como “raíña do xardín”, é das máis apreciadas polo seu suave recendo, variedade de cores, de formas e tamaños da flor, dependendo da súa especie e orixe. É unha flor xurdida dun arbusto espiñoso chamado roseira, ás veces rubideiro, e pertence á familia das rosáceas. As flores son completas e hermafroditas, regulares, con simetría radial. Constan de cáliz de cinco pezas de cor verde; de corola simétrica, formada por cinco pétalos regulares de variadas cores vivas, tamén brancos; de androceo, composto por numerosos estames dispostos en espiral; de xineceo, composto por varios pistilos separados; nectario para atraer insectos que favorecen a polinización; e inflorescencias en acios, formando corimbos. Aínda que a maioría das especies de rosa son cultivadas e destinadas á ornamentación, tamén se destinan á extracción de aceite esencial, utilizado en perfumería, cosmética, para usos gastronómicos e medicinais. Ao haber máis dun centenar de especies entre roseiras silvestres e doutros tipos, a flor resulta moi variada en formas e cromática.
A bubela é unha ave migratoria de fermoso aspecto. Habita en zonas temperadas e tropicais de Europa, Asia e norte de África. É un paxaro insectívoro, de pico moi longo que utiliza para extraer as larvas. De plumaxe parda rosada, con alas e cola listadas de franxas con tons en branco e negro, dotado dun moño ou penacho de plumas eréctiles na cabeza. A femia, durante a incubación, adoita segregar un líquido pestilente, producido pola súa glándula oleosa. O seu voo é ondulante, con frecuentes e bruscos cambios de dirección. Adoita incubar en ocos de árbores, gretas de rochas e celeiros. Como ave da estepa báñase en area, nunca en auga. As crías permanecen entre 22 e 24 días no niño.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.