Data de emisión: 13 xaneiro 2007
A Constitución en España establece como forma política do Estado a Monarquía parlamentaria na que o rei arbitra e modera o funcionamento das institucións. Xa na súa mensaxe ás Cortes, don Xoán Carlos proclamou expresamente o seu decidido propósito de acatala e servila. De feito, foi a actuación do monarca a que salvou a Constitución e a democracia a tristemente recordada noite do 23 de febreiro de 1981, cando os demais poderes constitucionais estaban secuestrados no Parlamento por unha intentona golpista.
Desde entón, don Xoán Carlos deixou patente o seu acatamento e servizo á Constitución, ademais doutras ideas básicas do seu reinado: restablecer a democracia e ser rei de todos os españois. Conceptos estes xa expostos polo monarca no seu primeiro discurso á nación nas Cortes, tras ser proclamado rei o 22 de novembro de 1975. Tras un dilatado e fecundo período de transición, a democracia quedou consolidada. Son, polo tanto, máis de tres décadas as que transcorreron desde a súa proclamación. A contribución de Xoán Carlos I á instauración da democracia foi excepcional e decisiva. O noso rei, polo seu labor, goza do recoñecemento internacional.
Don Xoán Carlos, desde o ano da súa proclamación, non cesou de repetir que é no servizo ao Estado de Dereito democrático e no compromiso coas liberdades consagradas na Constitución onde a institución monárquica alcanza o seu máis pleno sentido histórico, actual e futuro. Na España actual, despois de máis de 30 anos gobernada por unha Monarquía parlamentaria e constitucional, de seguir así, o futuro da Coroa está asegurado. Os selos desta emisión, denominada Serie básica, mostran unha fotografía do rei.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.