Data de emisión: 13 outubro 2008
A data do descubrimento de América, o 12 de outubro de 1492, é o día recoñecido por España e gran parte dos países hispanoamericanos para celebrar a súa festa nacional. Ao longo do século XX conmemorouse esta emblemática data, que simboliza a unión dos pobos americanos e español, como Festa da Raza e Festa da Hispanidade, ata que pola Lei 18/1987 se estableceu a denominación Festa Nacional de España. Na exposición de motivos da norma sinálase que a conmemoración da festa “ten como finalidade recordar solemnemente momentos da historia colectiva que forman parte do patrimonio histórico, cultural e social común, asumido como tal pola gran maioría dos cidadáns”. Na mesma indícase que “o 12 de outubro simboliza a efeméride histórica na que España.... inicia un período de proxección lingüística e cultural máis alá dos límites europeos”. A UPAEP (Unión Postal da Américas, España e Portugal), con sede en Montevideo (Uruguai), ten como obxectivo o desenvolvemento e a modernización dos servizos postais, facilitando o intercambio de experiencias e a implantación de proxectos de cooperación entre os países membros. En 1989, os Estados da organización comezaron a emitir a serie filatélica América UPAEP, cun tema en común, para difundir a cultura, o folclore e a ecoloxía que identifica a cada rexión. A primeira emisión apareceu dedicada aos Pobos precolombinos, usos e costumes, continuando os anos seguintes con O medio natural que viron os descubridores, As viaxes do descubrimento e V Centenario do Descubrimento de América. Ao longo destes 20 anos, a serie América UPAEP tratou temas de gran interese social, como a Campaña contra a SIDA; Educación, analfabetismo e Protección do ambiente, entre outros, sempre baixo a premisa da integración e o respecto á individualidade dos pobos e costumes de cada Estado. Para ilustrar o selo tomáronse como base as cores vermella e amarela da bandeira española, a inscrición 12 de outubro Festa Nacional de España e o emblema da UPAEP.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.