Data de emisión: 02 abril 2008
Esta emisión de Arquitectura reproduce os edificios do Pazo de Longoria e Torrespaña de Madrid; Casa Vicens, Torre de Comunicacións de Montjuïc e Torre Agbar de Barcelona e o Auditorio de Tenerife de Santa Cruz. O pazo de Longoria, foi construído en 1903 polo arquitecto José Grases Riera, seguindo como modelo construtivo o art nouveau polo que é un dos escasos edificios modernistas de Madrid. A decoración vexetal envolve toda a súa fachada, concibida en dous corpos rectangulares unidos na esquina por unha gran torre circular sen cúpula.
A casa Vicens, foi mandada construír por Manuel Vicens i Montaner a Gaudí. É o primeiro traballo importante do célebre arquitecto modernista, realizado entre 1883 e 1888. Consta o edificio de diferentes volumes, separados por ángulos, e nel predomina a decoración cerámica a base de baldosas.
O edificio Torrespaña, coñecido como O Pirulí, é unha torre de comunicacións de Retevisión. É obra do arquitecto Emilio Fernández e foi realizada entre 1981 e 1982. Ten unha altura de 220 m. Sobre o fuste de 120 m aparece un volume de catro plantas do centro de control.
A torre de comunicacións de Montjuïc, obra de Santiago Calatrava foi construída entre 1989 e 1992. A súa estrutura mide uns 130 m e representa unha figura axeonllada. Foi levantada para Telefónica con motivo dos Xogos Olímpicos do 92.
A torre Agbar, inaugurada en 2005, é un rañaceos de 144 m de altura. É obra do arquitecto francés Jean Nouvel. Ten forma de pináculo que emerxe do chan e é de formigón recuberto de vidro e cristal. Posúe un total de 50.693 metros cadrados de superficie.
O auditorio de Tenerife, tamén obra de Calatrava, construíuse entre 1997 e 2003 e ocupa o conxunto 6.471 m2 distribuídos en dúas salas, a principal ou Sinfónica e a de Cámara, ademais doutros espazos accesorios. O edificio é unha construción moi vangardista que se ve coroado por unha gran cúpula e por unha rechamante cuberta. De los sellos dedicados al Palacio de Longoria y a la Casa Vicens se realizó una Prueba de Artista con formato de hoja bloque y los sellos en negro.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.