Data de emisión: 08 xullo 2008
Os XXIX Xogos Olímpicos, que se celebran este ano na cidade chinesa de Beijing, constitúen o tema central do selo que se pon en circulación e co que se queren destacar os valores deportivos, o olimpismo e a axuda prestada pola ADO (Asociación Deporte Olímpicos) ao desenvolvemento e promoción da alta competición.
Datos oficiais sinalan que 28 disciplinas olímpicas, 16.000 deportistas e 203 países confirmaron a súa participación nas olimpíadas de Beijing que terán lugar durante o mes de agosto. Ademais da sede principal dos xogos –onde se encontran o estadio olímpico, coñecido como “estadio-niño de Pekín” pola estrutura de mallas entrelazadas que forma o seu exterior, e o centro acuático nacional, onde terán lugar as probas de natación- outras seis cidades: Hong-Kong, Shanghai, Qingdao, Tianjin, Qinhuangdao e Shenyand converteranse en subsedes para dar cabida ás probas de equitación, vela e fútbol. O deporte español estará representado nas distintas disciplinas cos mellores atletas, aos que ADO (Asociación Deportes Olímpicos) lles prestou a súa colaboración. Esta institución deportiva, sen fins de lucro, fundouse en 1988 co obxectivo de poñer a disposición dos deportistas de elite os medios técnicos e económicos necesarios para axudalos a mellorar os seus resultados. Tras a súa creación, a resposta non se fixo esperar e nos Xogos Olímpicos de Barcelona’92 os atletas españois alzáronse por primeira vez con 22 medallas olímpicas. ADO está formada pola unión de tres organismo: Consello Superior de Deportes (CSD), Comité Olímpico Español (COE) e Radiotelevisión Española (RTVE) e conta coa colaboración financeira de 14 empresas de recoñecido prestixio que proporcionan os medios técnicos e económicos necesarios para o cumprimento dos programas deportivos. O selo reproduce a imaxe dun atleta saltando e a lenda Beijing 2008. Á dereita insírese a sigla de ADO, os emblemáticos aros olímpicos e as cores representativas da bandeira española.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.