Data de emisión: 30 xaneiro 2008
Este xornal, vicedecano da prensa asturiana, chegou por vez primeira a mans do lector o 26 de xaneiro de 1908. O diario foi promovido por un grupo de seguidores do deputado a Cortes, José Manuel Pedregal. Para a súa posta en marcha recorreuse a dúas persoas que foron determinantes na existencia e continuidade desta publicación: un foi Isidro Pruneda, fillo do primeiro impresor e editor de prensa en Avilés, quen proporcionou a súa experiencia no negocio editorial, e outro, Manuel González Wes, licenciado en Teoloxía e Dereito, un acreditado do xornalismo local que acabou adquirindo o diario unha década despois da súa fundación. Entre 1923 e 1927, La Voz de Avilés, sufriu a censura da ditadura de Primo de Rivera, feito que non obstaculizou a súa continuidade. Nin sequera o tráxico falecemento durante a Guerra Civil de González Wes e a posterior incautación do diario, durante a contenda e na posguerra, impediron que chegase ao lector. Pois o seu fillo Juan Wes coa axuda da súa esposa, Jesusa López Marqués, soubo impoñerse aos conseguintes obstáculos de escaseza de tinta de impresión e papel e maquinaria deficiente, logrando relanzar de novo o xornal. En 1963, a prematura morte de Wes motivou que a súa viúva tivera que facerse cargo do diario. Empresa que acometeu con coraxe levando á modernización de La Voz de Avilés. O xornal logo pasaría a mans dos seus fillos Juan Manuel e María Jesús Wes, ata que en 1996 se integrou, a través de El Comercio, no Grupo Correo, hoxe Vocento. A súa integración neste grupo propiciou, ademais da modernización de todas as súas estruturas, a súa consolidación no mercado xornalístico.
O selo reproduce a súa cabeceira e o logotipo alusivo ao seu centenario cos peculiares arcos das rúas A Ferrería e Galiana.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.