EXPO 2008. ZARAGOZA

Nesta folla bloque, dedicada á EXPO 2008 e Zaragoza, xunto ao logotipo da Exposición Internacional, o zeta de Zaragoza trazado con gotas de auga que é o eixe temático en torno ao que xira a EXPO 2008, reprodúcense dúas iconas representativas da capital aragonesa: unha o monumento a Goya, que lle proporciona a imaxe ao selo, e outra unha panorámica da Basílica da Nosa Sra. do Pilar, vista desde o propio río Ebro que compón a folla bloque.

Encóntrase instalado o monumento que reproduce o selo na praza do Pilar de Zaragoza, tamén denominada praza das Catedrais. Nela, sobre un monólito, álzase a figura en bronce do pintor nacido en Fuendetodos, Francisco de Goya y Lucientes. Este monumento, obra do prestixioso escultor catalán Federico Marés, está concibido como conxunto escultórico composto de cinco figuras distribuídas en tres grupos: un e principal, no que sobre pedestal aparece a figura de Goya coas pernas cruzadas, portando nas súas mans unha paleta e un pincel, mentres que os outros dous grupos, situados sobre un campo de céspede, constan de dúas parellas con roupaxes propias do século dezaoito que representan a Majas y Chisperos, inspirados en asuntos goyescos. O monumento foi inaugurado en 1960. A Catedral-Basílica da Nosa Señora do Pilar e o río Ebro proporcionan a súa imaxe á folla bloque. A Basílica do Pilar é un templo barroco que se articula en tres naves, de igual altura, cubertas con bóvedas de canón, nas que se intercalan cúpulas e bóvedas de prato que se sustentan sobre robustos piares. O exterior é de ladrillo visto e o interior está revocado en estuco. O edificio vese coroado por 11 cúpulas, 10 lanternas e catro torres. No templo venérase a imaxe da Virxe do Pilar e destacan as pinturas ao fresco de Goya e dos irmáns Bayeu. De esta hoja bloque se realizó una Prueba de Artista con el sello en negro.