Data de emisión: 01 abril 2008
Dous selos dedicados a Flora e Fauna reproducen como motivos: o de flora, o tulipán e o de fauna, o lagarteiro.
O tulipán, unha planta bulbosa de floración primaveral, ten como orixe principal a área mediterránea e o nordeste asiático, aínda que a maior parte das variedades cultivadas proceden das rexións montañosas de Asia Menor e o Cáucaso. Se ben, as primeiras sementes desta planta chegaron a Europa cara a finais do século XVI e procedían de Turquía, foi o botánico Carolus Clusius quen, partindo de sementes e bulbos, iniciou o seu cultivo no xardín botánico holandés de Leiden. O tulipán ou tulipa sp. pertence á familia das Liliáceas e xorde da plantación dun bulbo que florece aos 120 días de ser plantado e alcanza unha altura de entre 30 e 60 cm dependendo da variedade. Consta de talo, follas e flores, xeralmente solitarias e de forma de campá ou cáliz, de cores moi variadas. A súa floración dura uns 20 días e, tras murcharse, extráese o seu bulbo que servirá para posteriores plantacións. As variedades e especies do tulipán son numerosas xa que a planta acepta moi ben as hibridacións.
O lagarteiro ou Falco tinnunculus é unha ave do grupo das rapaces diúrnas máis pequenas, pois mide entre 31 e 39 cm de lonxitude, mentres que as súas ás despregadas poden alcanzar ata 80 cm de lonxitude. A súa cría esténdese por Eurasia e África e en España encóntrase por toda a Península, Baleares e Canarias. A súa plumaxe, no macho, presenta unha coloración parda polo dorso, con puntos marróns escuros, cola e cabeza gris, mentres que a femia ten cola barrada tamén con banda negra. Non constrúen niño e a súa posta é entre abril e maio, depositando os ovos nunha ampla gama de lugares : niños de córvidos abandonados, ocos en arbores ou cavidades en cortados rochosos. A incubación dura uns 28 días. Aliméntanse de pequenos paxaros, roedores, ras e insectos.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.