Data de emisión: 02 xaneiro 2009
A serie dedicada ás Autonomías, con formato de carné composto por oito selos autoadhesivos de tarifa A, válida para as cartas normalizadas dirixidas a calquera punto da xeografía española.
No carné filatélico reprodúcense os perfís xeográficos de seis comunidades autónomas e as súas respectivas bandeiras, ademais do escudo e a bandeira de España. A bandeira de España adoptouse en 1981, tras modificarse o Escudo Nacional. De cores amarela e vermella, baséase no deseño de 1785 que se foi variando paulatinamente. O Escudo de España que está regulado pola Lei 33/1981, do 5 de outubro, é o símbolo heráldico do Estado e os elementos que o compoñen contan cunha tradición de máis de nove séculos de historia. Desde 1981 o Principado de Asturias conta co seu Estatuto de autonomía. A súa bandeira está formada pola Cruz da Vitoria, en amarelo sobre fondo azul. Dos brazos penden as letras gregas alfa e omega, como significado do principio e a fin. O Estatuto autonómico de Galicia aprobouse en 1981. A súa bandeira institucional inspírase no antigo estandarte da provincia marítima da Coruña do século XIX. O fondo é de cor branca atravesado por unha banda diagonal azul. Tamén en 1981 a comunidade de Cantabria obtivo o seu Estatuto de autonomía, no que se establecen as cores da bandeira oficial: dúas bandas horizontais da mesma anchura en branco e vermello co escudo da rexión no centro. Cataluña obtivo a Autonomía en 1979 e a súa bandeira ou señera é a tradicional dos reis de Aragón. Está formada por catro barras vermellas sobre cinco amarelas.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.