Data de emisión: 07 setembro 2009
Coa serie Deportes ponse en circulación un selo que conmemora o Centenario da Real Sociedad de Fútbol, fundada en San Sebastián en 1909.
Nos primeiros anos do século XX, e procedente de Inglaterra, chegaba a San Sebastián o fútbol, un deporte aínda pouco coñecido no noso país. O primeiro club do que se ten constancia nesa localidade foi o San Sebastián Recreation Club, fundado en 1903, que seis anos máis tarde deu lugar á Sociedad de Foot-ball de San Sebastián, nome primitivo da actual Real Sociedad. Durante os primeiros anos deportivos o equipo obtivo bos resultados, pero ao non estar inscrito oficialmente non podía participar nos campionatos de España de 1909, polo que decidiu xogar co nome de Club Ciclista de San Sebastián que reunía os requisitos esixidos. Baixo este nome, o equipo motivo do selo, logra o primeiro Campionato de Copa e o primeiro título da súa historia. En 1910, el rei Afonso XIII concédelle o título de Real. Os comezos do equipo azul e branco da Real Sociedad están marcados por unha gran rivalidade co Athletic de Bilbao e co Racing de Irún, e os seus 100 anos de historia escríbense con bos e malos momentos. Así, en 1928 participa na primeira edición da primeira división de España, e queda en cuarto lugar; en 1931 logra o subcampionato de Liga e en 1951 o subcampionato de Copa. En 1967 comeza a etapa máis destacada do club, coa formación dun equipo sólido, composto por veteranos recoñecidos e moi novos, que anos máis tarde o converterían en Campión de Liga. En 1974 participa por primeira vez na competición europea da Copa da UEFA. Seguindo unha orde cronolóxico hai que sinalar que a temporada 1979-80 foi a máis brillante da historia da Real Sociedad ao establecer un récord de imbatibilidade e permanecer 32 xornadas consecutivas sen ningunha derrota. En 1980-81 logra o primeiro título de Campión de Liga, éxito que volve repetir na temporada seguinte de 1981-82. En 1987 álzase coa Copa do Rei. O primeiro campo da Real Sociedad, Atotxa, inaugúrase en 1913 e 80 anos máis tarde é substituído polo de Anoeta, con aforo para 32.000 espectadores.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.