Data de emisión: 23 abril 2009
Os países membros de PostEurop (Asociación de Operadores Postais Públicos Europeos) dedican a serie Europa, que anualmente poñen en circulación cun tema en común, á Astronomía. España súmase á emisión co selo dedicado ao Ano Internacional da Astronomía que reproduce unha composición artística do espazo proxectado baixo un feixe de luz.
As Nacións Unidas declararon 2009 como Ano Internacional da Astronomía; unha celebración que na opinión da presidenta da Unión Astronómica Internacional: “dá a todas as nacións a posibilidade de participar nunha excitante revolución científica e tecnolóxica”. A proposta de celebrar o Ano Internacional da Astronomía foi realizada polo goberno italiano para conmemorar o 400 aniversario do primeiro uso astronómico do telescopio de Galileo Galilei. Este astrónomo e físico italiano construíu en 1609 un telescopio que deu paso a unha revolución científica que cambiaría o xeito de ver o mundo. Así, descubrimentos como os satélites de Xúpiter, as fases de Venus, as montañas e cráteres da Lúa ou a rotación do Sol sobre o seu eixe son algúns dos seus achados. Ese mesmo ano, o astrónomo alemán Johannes Kepler describiu na súa publicación Astronomía nova as leis fundamentais da mecánica celeste. Desde a antigüidade, a astronomía foi unha das ciencias que máis interveu na vida do home, sendo aplicada na navegación, na agricultura e na medición do tempo. Durante moitos séculos o seu estudo estivo limitado ao sistema solar, alcanzando a mediados do século XIX unha gran evolución pola aplicación de novas técnicas espaciais e a aparición de novo instrumental, como os grandes telescopios e observatorios astronómicos, permitindo na actualidade a exploración do Universo en toda a súa amplitude. A celebración do Ano Internacional da Astronomía ten como finalidade fomentar o interese por esta ciencia entre todos os cidadáns, especialmente entre a mocidade e transmitir o coñecemento do Universo por métodos científicos. O lema utilizado é “El Universo para que o descubras”. Para isto, en cada país establecéronse sistemas de colaboración entre astrónomos profesionais, centros de educación e afeccionados para axudar a redescubrir a grandiosidade do cosmos.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.