Data de emisión: 20 xaneiro 2009
Os selos autoadhesivos da serie Flora e Fauna dedicados á hortensia e ao ferreiriño abelleiro, ilústranse coas imaxes da devandita planta e da ave.
A hortensia é unha planta caducifolia pertencente á familia das Saxifragáceas e ao xénero Hydrangea macrophylla. As follas deste arbusto de xardín son opostas, ovais, e dentadas e, dependendo do clima da zona de plantación, chegan a alcanzar algúns metros de altura. A súa floración ten lugar entre a primavera e o verán. A multiplicación realízase a partir de escallos de 8 a 10 cm de lonxitude. As flores da hortensia desenvólvense a partir de xemas formadas o ano anterior. Hai 90 especies desta planta aínda que proveñen da hortensia común. As flores da hortensia están reunidas en grandes corimbos terminais e poden ser de dous tipos: estériles e hermafroditas. Tamén existen dous tipos de plantas. Segundo o número de botóns florais temos as unifloras, que teñen un só botón e as plurifloras, con varios botóns. Hai variedades de flor en tons branco, rosa, azul e vermello.
O ferreiriño abelleiro ou Parus major é unha ave da familia Paridae e da orde das Passeriformes. É unha especie sedentaria, moi común en Europa e Asia. Mide uns 15 cm e na súa plumaxe presenta unha banda negra, máis ancha nos machos, ao longo do seu peito amarelento. O colo e a cabeza son negros, con meixelas brancas e as súas partes superiores son de tons verde oliva. Aliméntanse basicamente de insectos e sementes. Teñen o seu hábitat en zonas boscosas, arboradas e axardinadas. Reprodúcense entre abril e xuño e as súas postas constan de entre seis e oito ovos.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.