AUTONOMIAS

Oito selos autoadhesivos de tarifa A, para cartas normalizadas nacionais, forman o carné das Autonomías, que reproduce as fachadas do Congreso e do Senado así como as bandeiras e os límites territoriais de seis comunidades autónomas.

O Congreso dos Deputados, ou cámara baixa das Cortes Xerais, é o órgano constitucional que representa o pobo español. Os deputados son elixidos por un sistema de representación proporcional á poboación de cada provincia. Xunto co Senado exerce a potestade lexislativa do Estado.

O Senado, ou cámara alta das Cortes Xerais é a cámara de representación territorial. É elixido cada catro anos e reúnese anualmente en dous períodos ordinarios de sesións e, de forma extraordinaria, a petición do Goberno, da Deputación Permanente ou da maioría absoluta de calquera das cámaras.

A Rioxa obtivo o Estatuto de autonomía en 1982. A capital da comunidade encóntrase en Logroño. A bandeira está formada por catro franxas horizontais e de igual tamaño, coas cores vermella, branca, verde e amarela.

Con autonomía desde 1982, Castela-A Mancha está integrada por Albacete, Cidade Real, Cuenca, Guadalaxara e Toledo. As Cortes encóntranse en Toledo. A bandeira é un rectángulo dividido verticalmente en dous cadrados iguais: o primeiro, xunto á hasta, de cor vermella carmesí o cartaxena cun castelo de ouro, e o segundo, branco.

O territorio da Comunidade Valenciana, con autonomía desde 1982, comprende as provincias de Alacante, Castellón e Valencia. A sede da Generalitat está en Valencia e a bandeira está formada por catro franxas vermellas sobre fondo amarelo, coroadas sobre franca azul xunto á hasta.

Canarias, con Estatuto de autonomía desde 1982, comprende as illas de Lanzarote, Fuerteventura, Gran Canaria, Tenerife, A Palma, A Gomera e O Ferro. A sede principal do Parlamento encóntrase en Santa Cruz de Tenerife. A bandeira consta de tres franxas iguais en sentido vertical: branco, azul e amarelo.

El Estatuto de autonomía da Rexión de Murcia foi aprobado en 1982. A súa bandeira de cor vermella carmesí ten catro castelos ameados en ouro, no ángulo superior esquerdo e sete coroas reais, no inferior dereito.

Tamén desde 1982 Aragón conta con Estatuto de autonomía que inclúe as provincias de Huesca, Teruel e Zaragoza; capitalidade nesta última cidade. A bandeira é a tradicional de catro barras vermellas horizontais sobre fondo amarelo e escudo.