Data de emisión: 08 novembro 2010
A Catedral de Bilbao, tamén denominada ou coñecida como Catedral Basílica de Santiago debido ao patrón de Bilbao, o apóstolo Santiago, conta cunha folla bloque que reproduce a súa portada principal e un selo que mostra a súa torre e fachada, tamén principal.
Iniciáronse as obras desta Catedral Basílica de Santiago cara a finais do século XIV inspiradas en conceptos arquitectónicos e escultóricos baseados no estilo gótico imperante da época. As ditas obras, como ocorreu co resto das catedrais, foron prolongándose a través do tempo, durante os séculos XV e XVI, ata o punto de que algúns dos seus elementos construtivos sufriron importantes obras de reconstrución no século XIX. De aí que encontremos capelas, fachadas, torre, portadas e pórticos con elementos e detalles góticos, renacentistas e neogóticos. Concretamente, a fachada e torre que aparecen reproducidas no selo, foron concluídas cara a 1891. A fachada, que conta con portada, rosetón e chapitel, é de estilo neogótico e veu a substituír á anterior barroca, mentres que a torre actual, tamén neogótica, foi levantada sobre o lugar que ocupaba outra neoclásica. Mide esta torre uns 64 metros de altura, está construída en tres corpos e vese coroada por un chapitel.
A Catedral de Bilbao, conta cunha bela sancristía gótico-renacentista do século XVI, cunha cripta-oratorio, un claustro e quince capelas situadas entre os contrafortes. As capelas están dedicadas ás advocacións da Virxe do Pilar, San Antón, Nosa Sra. de Begoña, Santa Lucía, San Diego de Alcalá, A Piedade, O Sagrario, O Rosario, Os Remedios, Santa Mariña, Virxe do Carme, do Bautismo, San Serafín, Penitencial e Cristo do Amor.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.