Data de emisión: 15 xullo 2010
A catedral de Segovia foi iniciada en 1525, segundo as trazas de Juan Gil de Hontañón, durante o reinado de Carlos V, sobre o soar da anterior, destruída en 1520 durante a Guerra das Comunidades. É de estilo gótico tardío e na súa construción interviñeron tamén: Rodrigo, fillo do anterior Gil de Hontañón, que deseñou o cruceiro e a cabeceira, e Juan de Guas, que interveu no claustro. A planta e a construción deste grandioso templo é a tradicional e consta de tres naves e capelas situadas entre os contrafortes, que se cerran con rellas de ferro forxado de gran beleza e valor artístico. Posúe a catedral no cruceiro unha gran cúpula e a súa cabeceira ten deambulatorio e sete capelas poligonais. O seu aspecto externo é dunha notable beleza e monumentalidade que se ve realzada polos seus pináculos, arcobotantes e pola maxestosa torre que mide preto de 90 metros, que forman un conxunto impresionante que envolve o abovedado interior, lixeiro e elegante.
Conta a catedral cun valioso patrimonio artístico, consistente en vidreiras, en rellas de excelente factura e nun cadeirado do coro, de gótico flamíxero, flanqueado por dous órganos barrocos e un retablo da Piedade de Juan de Juni. Ten, ademais do altar maior, obra de Francisco Sabatini, espléndidas capelas como as do Santísimo Sacramento que conta cun valioso retablo de José de Churriguera; a capela do Descendemento, da que destaca un Cristo xacente de Gregorio Fernández; a de Santo Andrés, onde hai un tríptico flamenco, obra de Ambrosio Benson; a de Santiago, cun retablo barroco de Pedro de Bolduque, onde hai pinturas atribuídas a Sánchez Coello e de Alonso de Herrera; a de Santo Antón que conserva un retablo barroco de Vallejo Vivanco, unha talla do santo que é obra de Pedro Valle, e pinturas de Francisco Herranz. Hai ademais outras capelas dedicadas á Piedade, San Cosme e San Damián, San Gregorio, a Concepción, San Brais, o Cristo xacente e Santa Bárbara. A elas súmanse obras importantes de Berruguete, Van Orley e Sánchez Coello gardadas no Museo Catedralicio.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.