Data de emisión: 04 xuño 2010
Con estes tres selos da serie Deportes conmemóranse os Campionatos de Europa e de Iberoamérica de Atletismo que este ano se realizan no noso país e a Copa Mundial de Fútbol de Sudáfrica.
O XIV Campionato Iberoamericano de Atletismo terá lugar en San Fernando (Cádiz), entre os días 3 e 6 de xuño. Preto de 500 atletas, procedentes de 29 países, participan nas 22 modalidades masculinas e femininas de atletismo. As probas realízanse no estadio deportivo de Bahía Sur, recentemente remodelado.
O logotipo do campionato baséase nunha estrela de mar en actitude de carreira, cuxos cinco brazos fan referencia á cabeza e as extremidades do atleta. A mascota, seleccionada no concurso de ideas, é o Burrito Salinero.
O Campionato de Europa de Atletismo realizouse por primeira vez en 1934 na cidade italiana de Turín, onde se deron cita os mellores atletas europeos do momento. Este ano, na vixésima edición, o campionato ten lugar en Barcelona, entre os días 27 de xullo e 1 de agosto. As competicións en pista dispútanse no Estadio Olímpico de Montjuïc, con capacidade para 45.000 espectadores e as de ruta, maratón e marcha, no centro da cidade. Máis de 1.400 deportistas de 50 países europeos participan nas 24 disciplinas deportivas para homes e mulleres.
No selo reprodúcese a mascota oficial, Barni, que loce na camiseta o logotipo B10, composto pola letra B maiúsculo que identifica a cidade de Barcelona e o número 10 como ano de realización e mellor nota.
A XIX Copia Mundial de Fútbol FIFA Sudáfrica 2010 ten lugar entre o 11 de xuño e o 11 de xullo. O torneo lévase a cabo en dez estadios de fútbol de diferentes cidades de Sudáfrica e xogarase o encontro final en Johannesburgo. No campionato participan 32 equipos que pasan por dúas fases eliminatorias de clasificación.
O selo ilústrase co logotipo que presenta un xogador de fútbol sobre un fondo coa silueta do continente africano e as cores da bandeira de Sudáfrica.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.