Data de emisión: 10 setembro 2010
Con este selo da serie Deportes conmemórase o centenario da fundación do Cádiz Club de Fútbol. Este ano e coincidindo co momento tan sinalado do centenario, a Comisión Avaliadora da Real Orde do Mérito Deportivo outorgoulle a Placa de Ouro ó Mérito Deportivo como “recoñecemento á brillante traxectoria deportiva desta entidade, que serviu de forma decisiva á proxección nacional e internacional do deporte español”.
A Real Federación Española de Fútbol establece o 10 de setembro de 1910 como data de fundación do actual Cádiz CF. O equipo primitivo, chamado Cádiz Foot-Ball Club, naceu por iniciativa de José Rivera y Lora e dun grupo de afeccionados desexosos de contar cunha asociación futbolística na cidade. Tempos difíciles e momentos de crise económica y deportiva parecen marcar a este equipo desde a súa fundación, que durante algúns anos xogou baixo a denominación de Mirandilla FC ata que en xuño de 1936 tomou o nome definitivo de Cádiz CF.
Tras a Guerra Civil e a prosecución da competición oficial, o Cádiz CF iniciou un longo e complicado período deportivo no que alternou a segunda e a terceira División. En 1977 logrou o ascenso a primeira e será na década dos anos 80 cando o club alcance a época dourada, coa formación do equipo máis gaditano composto por xogadores da canteira e da provincia. No seu historial figura que estivo doce temporadas en primeira división; trinta e seis en segunda e doce en terceira. Na temporada de 1989/90 obtivo a mellor clasificación da Copa do Rei, ao alcanzar as semifinais.
En setembro de 1955, o Cádiz CF inaugurou o estadio Ramón de Carranza e aproveitando a estrea do estadio creou o Trofeo Ramón de Carranza co fin de recadar fondos para o club. O torneo dispútase entre equipos de renome de España e do estranxeiro e é un dos eventos do verán máis coñecidos e apreciados. O Cádiz FC conseguiu en sete ocasións este apreciado trofeo.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.