Data de emisión: 15 outubro 2010
O xornalista e escritor tinerfeño, Leoncio Rodríguez, fundou o día 15 de outubro de 1910 o diario La Prensa, xornal que anos despois, concretamente o 15 de febreiro de 1939, cambiaría a súa denominación pola da actual cabeceira de El Día. A cabeceira, igual ca a publicación, aínda que sometida a diversos cambios, pasou de dúas páxinas diarias a ter oito. Nos anos 60, co periódico xa consolidado, o seu fundador e propietario inicia a expansión do medio inaugurando en 1967 un novo edificio, situado no número 69 da avenida de Buenos Aires de Santa Cruz de Tenerife. Alí instalaranse modernos equipos de fotogravado e teletipos, ademais de sete linotipias e unha rotativa de alta velocidade. En 1974 lévase a cabo unha nova ampliación, pois ademais de ampliar os espazos do xornal, acométense novas melloras que consisten en substituír a xa vella rotativa Vomag pola nova Marinoni, instalada cara a finais de 1974. A ela seguiron outras rotativas como a Uniman actual, que permite a produción de 25.000 a 50.000 exemplares á hora en produción sinxela, e os ordenadores que fan posible a autoedición.
O diario El Día, medio que desde a súa fundación vén dando noticias de Tenerife e Canarias, forma parte do grupo de comunicación do seu mesmo nome que abarca distintos ámbitos da información como radio e televisión.
O periódico El Día, diario independente, durante o seu primeiro século de actividade informativa, foi testemuña puntual e directa do devir e da historia de Canarias. As súas seccións e páxinas serviron de testemuño da evolución económica, social e cultural das illas.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.