Data de emisión: 20 xaneiro 2010
A emisión de Fauna, pon en circulación dúas novas bolboretas: unha a Artimelia latreillei e outra a Zygaena rhadamanthus. De ambas as especies toman a imaxe os dous selos.
A Artimelia latreillei, da orde dos lepidópteros, pertence á familia Arctiidae e xénero Ocnogyna. Esta bolboreta é un raro exemplar endémico da Península Ibérica e as súas colonias, aínda que repartidas por boa parte da xeográfica española e portuguesa, están moi illadas xeograficamente e localizadas tanto en zonas montañosas (situadas ata os 1.500-1.800 m) como baixas e litorais. Os machos son activos de día, incluso durante as horas de sol e calor máis intensa. Co seu voo, baixo, errático e moi rápido, buscan activa e incansablemente as femias que permanecen posadas no chan ou en ramas baixas. Son bolboretas moi activas y polífagas, aliméntanse durante maio e xuño, tanto das follas como dos pétalos de distintas especies. A súa crisálida, invernante, é avermellada, en forma de tonel e permanece no chan protexida dentro dun lixeiro casulo sedoso. O selo, baseado nunha fotografía de Enrique Aguilar Gil, reproduce unha femia da especie que pertence á colección do entomólogo Tomás Latasa.
A Zygaena rhadamanthus, tamén da orde lepidoptera, é unha bolboreta da familia Zygaenidae e xénero Zygaena, que elixe como hábitat zonas áridas de baixa vexetación, soleadas e resgardadas, comprendidas xeograficamente desde o sur de Portugal, España, excepto a parte noroeste, ata o sur de Francia. Realizan voos entre maio e xullo, curtos, de pouca altura e en liña recta de flor en flor. En canto á coloración do fondo da á, presentan desde un gris claro ata un verde azulado escuro, e polo xeral as ás posteriores son azuis. As eirugas hibernan e están xunto á súa planta nutricia á que, ao facerse crisálida, adoitan fixar un casulo de cor branca. A Zygaena é unha especie moi polimorfa. Tanto a imaxe que reproduce o selo como o exemplar deste pertencen ao fotógrafo e á colección do entomólogo antes mencionados.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.