NAVIDAD 2010

Un dos temas máis frecuentes na Historia da Arte foi o concernente ao Nadal. Este acontecemento aparece escenificado na arte paleocristiana. Non obstante, será no Medievo cando este feito haxiográfico adquira unha maior relevancia e atención entre os artistas. Esta tipoloxía iconográfica serviu de estímulo e devoción con importante eco nas crenzas populares.

O nacemento de Xesús transcendeu a todas as épocas e expresións da arte. Non é de estrañar que o románico, gótico, renacemento e barroco desen un dobre sentido á profusión de imaxes bíblicas e haxiográficas deste momento da vida de Xesús pretendendo impulsar con isto o magno acontecemento da vida do Salvador entre os crentes e recreando o feito relixioso desde unha moi variada fonte de inspiración estética xa sexa en pintura, escultura, arquitectura, música e literatura. Pero será no renacemento e no barroco cando xurdan as creacións máis grandiosas, aínda que o tema do Nadal o veremos representado, desde moi variadas interpretacións, por artistas de posteriores séculos e incluso actuais.

Tamén é posible que o Nadal, ao ser un momento bíblico simbolicamente alegre para os cristiáns, pola súa mensaxe de paz, gozara de maior transcendencia e simpatía entre os artistas plásticos de Oriente e de Occidente. Con motivo desta festividade, Correos, ano tras ano, e de xeito tradicional, achega unha nota de colorismo á ocasión emitindo selos cos que vén recordar a festa do Nadal. Para isto, vén plasmando nos selos, xeralmente, algunhas das obras máis representativas do patrimonio artístico nacional ou, incluso, composicións de artistas actuais, como no caso que nos ocupa, debidas ao pintor J. Carrero, quen de xeito simbólico interpreta o tema do Nadal. Creacións singulares en pintura, que mostran a inesgotable fonte de imaxinación que desenvolveron os nosos artífices a través do tempo, baseadas no asunto da belenística.