Data de emisión: 10 novembro 2011
O ano 2011 foi declarado oficialmente como o Ano de España en Rusia e de Rusia en España e a filatelia únese ao evento coa emisión dun selo conmemorativo.
A proposta de realizar o Ano Dual España-Rusia 2011 xurdiu por iniciativa dos presidentes de Goberno dos dous países durante a Conferencia Internacional que tivo lugar na cidade rusa de Yaroslav, en setembro de 2009. O obxectivo proposto está encamiñado a fortalecer as relacións científicas, culturais e educativas, así como a impulsar os contactos económicos e comerciais entre Rusia e España. Nesta liña expresouse o rei de España durante a inauguración do encontro, ao sinalar: “Rusia y España son dos naciones imprescindibles para poder entender la cultura, la historia y la identidad europea”. En referencia ao aspecto económico, don Xoán Carlos destacou as aspiracións por: “Profundizar las relaciones entre empresarios rusos y españoles … para completar sus posibilidades y capacidades en un mundo cada vez más global y competitivo”.
A realización do Ano Dual supuxo un paso importante nas relacións hispano-rusas e no achegamento entre ambos os pobos. Entre as actividades programadas figuran a realización de foros entre universidades, festivais de ballet e música, o intercambio temporal de obras mestras entre o Museo do Prado (Madrid) e o Hermitage (San Petersburgo), así como establecer canais de comunicación entre empresarios para mellorar os contactos entre os distintos sectores, facilitar os investimentos e o intercambio comercial.
O selo, deseñado por Lucinda Morrissey, intercala, a franxas verticais, as cores das bandeiras de España e de Rusia: vermello e branco na primeira franxa; amarelo e azul na segunda, e vermello na franxa final coa inscrición 2011 Ano de España en Rusia e de Rusia en España.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.