Data de emisión: 24 xaneiro 2011
A serie de selos dedicada a Instrumentos musicais ocúpase de catro instrumentos, tres de corda pulsada como son a guitarra, o laúde e a mandolina, e un de corda fretada como o violín.
A guitarra é un instrumento composto de caixa de madeira ou de resonancia, de mastro sobre o que vai acaroado o diapasón, cun burato acústico ou boca no centro e seis cordas. Sobre o diapasón van incrustados os trastes, que permiten as diferentes notas. Coñécese este instrumento como guitarra clásica ou española e entre as súas variedades figuran a guitarra acústica, flamenca, eléctrica e electroacústica.
O laúde é un instrumento parecido á guitarra aínda que con caixa de resonancia arqueada. A súa boca diferénciase da anterior por aparecer en forma de rosetón decorativo finamente tallado. Dentro das variedades de laúde temos o árabe, o chinés ou pipa e o español que se introduciu en Europa desde Al-Ándalus no período islámico.
A mandolina é un instrumento musical de catro cordas dobres e a súa caixa de resonancia pode ser cóncava ou plana. De procedencia italiana foi utilizado por moitos grandes compositores clásicos e por actuais, tanto para música tradicional como outros estilos. Entre as súas variantes encontramos a mandolina italiana, folk e bluegrass.
O violín, instrumento de corda fretada, dispón de catro cordas afinadas por intervalos de quintas. Consta dunha caixa de resonancia, con elegantes formas ergonómicas, constituída por unha táboa harmónica e outra de fondo en madeira de pradairo, ademais das cubertas laterais ou aros. A tapa harmónica ten no centro dúas aberturas de resonancia chamadas oídos, eses ou efes. Vén sendo utilizado en música clásica, folclórica e moderna.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.