Data de emisión: 20 outubro 2011
Unha folla bloque formada por catro selos, que reproducen diferentes modelos do modisto español Elio Berhanyer, ilustran a serie Moda Española 2011.
Elio Berenguer Úbeda, máis coñecido no mundo da moda como Elio Berhanyer, naceu en Córdoba en 1929. Con 17 anos trasladouse a Madrid e iniciouse de forma autodidacta no deseño de moda. En 1956 comezou a traballar como modisto e en 1960 abriu o seu propio taller de alta costura. Moi pronto o seu nome alcanzou renome internacional e ese mesmo ano obtivo o premio ao mellor deseñador, concedido pola Casa Cadillac, en Estados Unidos. Entre 1960 e 1970 presentou as súas coleccións de alta costura polas pasarelas máis importantes do mundo e actrices como Ava Gadner, a condesa de Romanones, a raíña Sofía ou a infanta Pilar vestiron algúns dos seus modelos.
Elio foi un dos primeiros deseñadores en crear, en 1969, unha liña de complementos, perfumes e accesorios. De estilo clásico, elegante e sofisticado, a partir de 1969 comezou a compaxinar a alta costura co prêt-à-porter, presentou a primeira colección desta liña en 1973. Nesa época gañou o concurso para uniformar as azafatas de Iberia, en 1982 deseñou o das azafatas do Mundial de Fútbol e, anos máis tarde, o do persoal da Feira de Madrid (IFEMA). Ao longo da súa carreira recibiu os premios máis prestixiosos da moda.
Nos selos reprodúcense: vestido longo de festa, confeccionado en tafetá de raión negro con vivos en branco, escote palabra de honor e volantes horizontais. Acompáñase cunha banda ancha na cintura. Ano 1970.
Traxe de chaqueta formado por vestido e chaqueta curta en dobre cara de algodón branco, estampado en verde e azul mariño que debuxa raias horizontais. 1970
Conxunto de abrigo e vestido ata o xeonllo. Abrigo a dobre cara de la cor amarela, escote a caixa e colo redondeado. O vestido é de la branca no corpo e amarelo na saia. 1972.
Vestido longo de festa de algodón branco combinado con estampados de lunares negros, de menor tamaño no corpo. Escote redondeado, manga curta e banda negra na cintura. Datado entre 1968 e 1975.
O vestiario forma parte dos fondos do Museo do Traxe, de Madrid, quen cedeu as imaxes para a súa reprodución.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.