Data de emisión: 03 outubro 2011
Premio Nobel de Literatura en 2010, Mario Vargas Llosa é recoñecido internacionalmente como un dos escritores contemporáneos máis importantes en lingua española. Naceu en Arequipa (Perú) en 1936 e obtivo a nacionalidade española en 1993, debido á súa vinculación co noso país e ao convenio de dobre nacionalidade existente con Perú. Toda a súa vida estivo marcada pola vocación de escritor, que iniciou como periodista en varios periódicos do seu país natal. De familia acomodada, estudou Dereito e Literatura na Universidade de San Marcos, Lima, e posteriormente realizou os cursos de doutoramento na Universidade Complutense de Madrid. En 1960 instalouse en París e residiu, así mesmo, en Londres, Barcelona e Madrid; lugares nos que desenvolveu a meirande parte da súa extensa obra literaria.
Autor de ensaios, artigos xornalísticos, crítica literaria, narracións curtas e novelas, Vargas Llosa pertence á xeración de escritores latinoamericanos que marcaron toda unha época. Comprometido co dereito da liberdade das persoas e cos valores da democracia, nas súas obras aborda o realismo social da literatura hispanoamericana. A fama internacional chegoulle coa novela La ciudad y los perros (1962), á que seguiu unha longa lista de títulos tan coñecidos como La casa verde, Conversaciones en la catedral, Lituma en los Andes e La guerra del fin del mundo, entre outros. Á gran pantalla leváronse Pantaleón y las visitadoras e La fiesta del Chivo. No seu libro de memorias autobiográficas, titulado El pez en el agua, (1993), confesa a súa vocación pola literatura desde neno.
En 1994 foi elixido membro da Real Academia Española. Entre os seus múltiples galardóns figuran o Premio Cervantes e o Premio Príncipe de Asturias das Letras. É membro da Academia Peruana de la Lengua, profesor da Universidade de Cambridge e doutor Honoris Causa de diversas universidades de América, Europa e Asia, nas que pronunciou numerosos discursos e conferencias en defensa e recoñecemento do idioma español.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.