Data de emisión: 05 outubro 2012
A Exposición Filatélica Nacional Exfilna 2012, que este ano conmemora o 50 aniversario da súa fundación, realízase na localidade rioxana de Calahorra. A mostra foi organizada pola Federación Española de Sociedades Filatélicas (Fesofi) e contou co patrocinio de Correos e Telégrafos, entre outras institucións.
Exfilna é a exposición filatélica de carácter nacional máis importante de cantas se realizan en España. A primeira presentación tivo lugar en Madrid en 1963 e desde entón, e ao longo de 50 anos de existencia, realizouse anualmente en distintas poboacións da xeografía nacional. Ten carácter competitivo e nela poden participar os coleccionistas que pertenzan a unha sociedade inscrita en Fesofi.
A exposición conta con distintos apartados, entre os que figuran: Clase Oficial, reservada para os Correos de España e Francia, museos postais, impresores de selos e membros do xurado, é soamente de exhibición; Clase Mestra, para coleccións que contan con tres medallas de ouro, compiten entre eles e Clase Competición, destinada para o resto de participantes. Na Clase Competición existen os grupos de: filatelia tradicional, historia postal, filatelia temática, astrofilatelia e enteiros postais, entre outras especialidades temáticas.
En 1985, comezouse a emitir anualmente unha folla bloque conmemorativa da Exfilna que nesta edición se dedica á histórica cidade de Calahorra.
Situada na Baixa Rioxa, Calahorra foi conquistada polos romanos no século II a. X.C. e dos restos arqueolóxicos encontrados despréndese que contou con circo, anfiteatro e termas. En 1935, achouse nos xacementos da zona o busto de mármore branco da Dama de Calahorra, convertida en símbolo da cidade. Obxecto de diferentes interpretacións, algúns especialistas consideran que se trata dunha cabeza masculina pertencente a unha divindade xuvenil ou á figura dun heroe ou efebo. De 21 centímetros de altura, expresión serena, nariz recta e ollos resgados, é unha cabeza de “quita e pon”, co colo acabado en forma invertida para poder adaptalo a un corpo. A peza exponse no Museo da Romanización.
Na folla bloque reprodúcese a fachada principal da casa do concello calagurritana e no selo unha imaxe da Dama de Calahorra.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.