Data de emisión: 11 xuño 2013
No último terzo do século XIX creouse a Inspección dos Servizos da Facenda Pública, nese momento un novo corpo da Administración do Estado ao que se lle dedica este selo da serie Efemérides.
A Inspección dos Servizos da Facenda Pública adscríbese ao Ministerio de Facenda, unha institución creada pola administración borbónica no século XVIII, co intento de solucionar a grave crise na que entrara o sistema financeiro da Coroa durante o reinado da Casa de Austria.
As reformas sociais e políticas abordadas durante o século XVIII necesitaban dun sistema financeiro sólido, polo que se iniciou un longo camiño que duraría toda esa centuria.
Seguindo unha orde organizativa do Ministerio de Facenda, compróbase que na reforma introducida en 1845 se encontra a orixe da Inspección de Facenda. Pero será en 1881 cando se crea a Inspección dos Servizos da Facenda Pública, como un instrumento de mellora da xestión económica provincial. O efecto inmediato foi a creación das delegacións de Facenda.
Na actualidade, as funcións dos Inspectores da Facenda Pública enmárcanse en todo o relacionado coa inspección tributaria e financeira, tanto a nivel individual como empresarial. Este colectivo de funcionarios forma parte dos corpos do Ministerio de Facenda e desenvolven o seu traballo nos Servizos Centrais ou nos Servizos Territoriais.
No selo reprodúcese o cuño de tinta, de 1881, empregado para a validación dos documentos públicos administrativos emitidos pola Inspección Xeral da Facenda Pública naquela época.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.