Data de emisión: 04 xullo 2013
Tres figuras do mundo eclesiástico pasan a formar parte da serie Personaxes
Frei Rosendo Salvado y Rotea (Tui, Pontevedra, 1814-Roma, Italia, 1900) foi monxe beneditino, misioneiro e primeiro abade da diocese de Nova Nursia, en Australia Occidental. Aos 15 anos ingresou na orde de San Bento, onde estudou humanidades e música. En 1835, coa desamortización de Mendizábal, foi exclaustrado e trasladouse ao mosteiro de Cava, cerca de Nápoles (Italia), onde foi ordenado sacerdote en 1839. Atraído polas misións, partiu co monxe José Benito Serra cara a Australia, onde fundaron Nova Nursia. Toda a súa vida a dedicou á protección e evanxelización dos indíxenas, aos que axudou na construción de camiños, pozos e escolas infantís. Volveu varias veces a Europa para conseguir medios económicos e humanos. Faleceu na súa última viaxe na igrexa de San Pablo Extramuros de Roma e os seus restos foron trasladados á abadía de Nova Nursia.
San José de Cupertino ou Copertino (1603-1663) foi un frade italiano do que se celebra o 350 aniversario da súa morte. Ingresou no Convento dos Franciscanos de La Grosella, cerca de Copertino, onde foi ordenado relixioso en 1625. Durante 10 anos exerceu de sacerdote nesta última localidade. En 1753 foi beatificado por Benedicto XIV e en 1767 foi canonizado por Clemente XIII.
No selo reprodúcese o santo elevado polos anxos que figura na bóveda da entrada á Basílica de Santa María das Neves, en Copertino (Italia).
San Telmo é o nome co que se coñece popularmente a Pedro González Telmo, nacido en Frómista (Palencia) cara a 1190 e morto en Tui (Pontevedra) en 1246. Estudou na Universidade de Palencia ao lado do seu tío, bispo da cidade. Ingresou no convento dos Dominicos onde destacou pola súa cultura e locuacidade. Foi confesor do rei Fernando III o Santo e capelán militar. Abandonou a corte para predicar en Galicia e norte de Portugal, onde ocupou o priorado de Guimarães.Xa maior, retirouse á diocese de Tui-Vigo, lugar no que faleceu cando se dirixía en peregrinación a Santiago. En 1741 foi declarado santo polo papa Benedicto XIV. No selo reprodúcese a imaxe de san Telmo e a portada gótica da Catedral de Tui, de onde é patrón.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.