Data de emisión: 23 xaneiro 2014
BURGOS CAPITAL ESPAÑOLA DA GASTRONOMÍA 2013
A gastronomía burgalesa ofrece unha gran variedade de alimentos producidos na terra que se distinguen pola súa calidade. Así, degustar unha deliciosa tapa ou un rico menú acompañado cun viño da Ribeira do Douro ou da Denominación de Orixe Arlanza non é ningún segredo na cidade. Ademais da gastronomía, Burgos invita a descubrir a arte coa súa catedral de estilo gótico, Patrimonio da Humanidade, os arcos e portas de entrada ao barrio histórico, as rúas peonís, os paseos arborados e os recantos más inesperados. No aspecto cultural, o Museo da Evolución Humana (MEH) ofrece unha viaxe ao pasado e ás orixes do primeiro home europeo, cos restos encontrados nos xacementos arqueolóxicos de Atapuerca.
O selo ilústrase cun bodegón no que aparecen bocados tan característicos como: o pincho de morcilla; a olla podrida, elaborada con fabas pintas, chourizo e costelas; os queixos variados e unha copa de viño da terra.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.