Cuerpo de Ingenieros Agrónomos del Estado

CORPOS XERAIS DA ADMINISTRACIÓN DO ESTADO

Nos tempos do reinado de Isabel II conManuel Alonso Martínez como ministro de Fomento, creouse a Escola Central de Agricultura (Escuela Central de Agricultura) na finca “La Flamenca”, orixe do Corpo de Enxeñeiros agrónomos. A finca pertencía ao Real Heredamiento de Aranjuez (Madrid). As ensinanzas estaban estruturadas en dúas sección: unha científica, destinada aos enxeñeiros, e outra tecnolóxica, para os peritos. En 1866 engadiuse unha nova sección para a formación de capataces agrícolas. Dous anos máis tarde decretouse a supresión da escola inicial e acordouse o seu traslado á finca chamada La Florida en Madrid, que se faría efectivo no ano 1869. Unha Real Orde de 1876 implantou un novo sistema de ingreso e a institución pasou a chamarse Escola Superior de Enxeñeiros Agrónomos (Escuela Superior de Ingenieros Agrónomos), á vez que se creou a Escola de Peritos Agrícolas (Escuela de Peritos Agrícolas). Co paso dos anos establecéronse distintos plans de estudos e de especialidades agrarias na formación, contemplándose a investigación como unha das actividades propias da Escola de Enxeñeiros Agrónomos.