Data de emisión: 16 maio 2014
DEPORTES
A popular serie filatélica dedicada aos Deportes, na que ten cabida toda disciplina deportiva con fins competitivos, amplíase co selo que conmemora o centenario da fundación da Federación Vizcaína de Fútbol ou Bizkaiko Futbol Federakundea.
O 21 de agosto de 1913 constituíuse en Bilbao a Federación Norte de Fútbol, nome inicial da actual federación e na mesma data na que se inaugurou oficialmente o histórico campo de San Mamés.
Foron distintos clubsde Biscaia, Guipúscoa e Logroño os que fundaron a sociedade, entre eles estaban o Athletic Club de Bilbao, Arenas Club de Getxo, Club Deportivo de Bilbao, Real Sociedad de San Sebastián, Real Racing Club de Irún e Irún SportingClub, todos eles de Primeira Categoría. Así mesmo, participaron os de Segunda Categoría: Jolastokieta de Alza, Ariñ Sport de Bilbao, Recreation Club de Logroño e Club Deportivo de Portugalete. Ademais, estes clubs fundadores acordaron integrarse na Real Federación Española de Fútbol.
No ano 1918, por mor dos desacordos que xurdiron na derradeira xornada do Campionato do Norte entre a Real Sociedad de San Sebastián e o Athletic Club de Bilbao, e entre as federacións Norte e Española para declararen ao campión do torneo, procedeuse á separación dos clubs biscaíños e guipuscoanos, creando os últimos a súa propia federación. Nese mesmo ano producíase a baixa dos guipuscoanos e se aprobaba a incorporación dos equipo cántabros, que permaneceron na federación até a temporada de 1922. A partires desa data, os clubs de Cantabria separáronse e crearon a súa propia organización.
Seguindo a orde cronolóxica desta agrupación de lenda, o 26 de agosto de 1923 a Federación Norte de Fútbol cambiou oficialmente o nome por Federación Vizcaína de Fútbol, e nestes cen anos de historia a federación dedicouse expresamente a manter e mellorar o fútbol biscaíño. A día de hoxe conta con 258 clubs federados, masculinos e femininos, e rexistra máis de 34.000 fichas de xogadores nas súas distintas categorías.
O selo ilustra un antigo balón de fútbol forrado en coiro e co logotipo da Federación Vizcaína de Fútbol (FVF) coas datas do centenario: 1913-1923.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.