Data de emisión: 16 xaneiro 2015
CIENCIA
A serie dedicada á Ciencia recorda nesta emisión o 25 Aniversario da Organización Nacional de Transplantes (ONT). Baixo a mensaxe Trabajando juntos por la vida 1989-2014 (Traballando xuntos pola vida), como expresión da tarefa que realiza a organización, o selo recrea o concepto de vidas entrelazadas. Para iso, múltiples corazóns entrelázanse conformando un gran corazón, en cuxo eixe inferior aparece unha gota de sangue como xeradora de vida.
A ONT fundouse en 1989 coa finalidade de desenvolver as funcións relacionadas coa obtención e utilización clínica de órganos, tecidos e células. Dende entón, a organización expandiuse ata situar a España á cabeza mundial nos índices de doazón e de transplantes. O obxectivo principal da institución é a promoción da doazón altruísta, co fin de que o cidadán que necesite un transplante teña as maiores e mellores posibilidades de conseguilo.
O traballo da ONT estrutúrase sobre unha base organizativa en forma de rede que coordina a tres niveis: nacional, autonómico e hospitalario. Para levar a cabo estas funcións, actúa como unha unidade técnica operativa que cumpre coa misión de coordinar e facilitar as tarefas de doazón, extracción, preservación, distribución, intercambio e transplante de órganos, tecidos e células no conxunto do Sistema Sanitario Español.
O primeiro transplante de órganos en España fíxose en 1965, cando catro médicos, de forma case heroica, realizaron con éxito o primeiro transplante de ril. En 1979 aprobouse a Lei de transplantes e, un ano máis tarde, a normativa que desenvolvía a lei, na que se recoñecía o anonimato do doador e a carencia de lucro na práctica da extracción de órganos. En 1989 fundouse definitivamente a ONT e establece a súa sede no antigo Hospital do Rei, en Madrid.
Tras 25 anos de traballo, estudo e investigación, preto de medio millón de enfermos beneficiáronse desta empresa colectiva, dende a que se fai un chamamento á doazón de órganos para seguir salvando vidas.
A ONT recibiu, en 2010, o Premio Príncipe de Asturias de Cooperación Internacional conxuntamente coa Sociedade Internacional de Transplantes, pola súa loita contra o tráfico de órganos e o turismo de transplantes.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.