Efemérides: I Congreso Internacional Tauromaquia

EFEMÉRIDE

O I Congreso Internacional dedicado a "A Tauromaquia como Patrimonio Cultural" é o tema do selo que se ilustra cunha escena taurina do pintor Javier Montesol.
No ano 2013, a tauromaquia foi recoñecida e regulada por lei como parte do Patrimonio Cultural español. No preámbulo da norma lexislativa indícase que a Tauromaquia forma parte da historia e do acervo cultural español, como o testemuñan as partidas de Afonso X o Sabio, que xa no século XIII consideraban e regulaban esta materia. Así mesmo, expresa que as festas ou espectáculos taurinos inclúen non só as corridas de touros, senón tamén un conxunto de tradicións e festexos populares vinculados ao mundo do touro que supoñen un signo de identidade colectiva, o que xustifica que a súa preservación competa aos poderes públicos.
A festa dos touros e os espectáculos taurinos, vivos e dinámicos, están suxeitos a unha constante evolución, de maneira que é difícil facer conxecturas sobre o seu futuro. Este estará en función de que se manteña a afección popular e de que sexa capaz de renovarse, para que as novas xeracións saiban manter e conservar a festa nacional. Nunha sociedade diversificada, con defensores e detractores do espectáculo taurino, a lei entende que, en todo caso, debe imperar a liberdade de elección e non acernar o seu acceso.
A arte da lida, e de todo o conxunto de coñecementos e actividades artísticas, creativas e produtivas que se xera en torno á tauromaquia, comprende dende a crianza e selección do touro bravo, á confección dos traxes de luces, a música das corridas ou a produción de carteis, entre outras accións. Por este motivo, a tauromaquia constitúe: "Un sector económico de primeira magnitude, cunha incidencia tanxible en ámbitos diversos e dispersos como son o empresarial, o fiscal, o agrícola-gandeiro, o ambiental, o alimentario, o industrial ou o turístico, entre outros,". Países como Portugal, o sur de Francia, Colombia, Ecuador, México, Perú e Venezuela comparten con España o interese pola tauromaquia.
O I Congreso Internacional de "A Tauromaquia como Patrimonio Cultural" organízase conxuntamente polo Ministerio de Educación, a Xunta de Comunidades de Castela-A Mancha e o Concello de Albacete, sede do encontro internacional, e conta con representantes de todos os sectores relacionados co mundo taurino.