Data de emisión: 02 xaneiro 2015
TURISMO
Póñense en circulación dous novos selos da serie Turismo que recrean nos seus deseños algúns dos atractivos turísticos de España. Así, aspectos tan variados como a arte, a cultura, a gastronomía, o bo clima ou as múltiples festas declaradas de interese forman un abano de posibilidades, que levaron este país a ser un dos destinos con maior proxección turística internacional.
Dende que na década de 1960 se iniciou o impulso do turismo en España, promovido, principalmente, polo incremento do poder adquisitivo da clase media e a mellora das infraestruturas, o sector turístico desenvolveuse ata converterse nun dos motores económicos máis importantes do país. Á expansión do sector contribuíron tanto os profesionais do ramo coma as institucións oficiais, entre as que desempeña un papel importante o Instituto de Turismo de España (Turespaña). Este organismo nacional é o encargado de promover España como destino turístico no mundo, para o que conta cunha rede de 33 Consellarías de Turismo no estranxeiro, que teñen como misión a promoción do país fóra das nosas fronteiras.
O interese que España esperta no ámbito turístico internacional fixo que Madrid fose elixido como lugar de encontro para celebrar, nos días centrais do mes de abril, a World Travel & Tourism Council (WTTC) (Cumio Mundial do Turismo). Esta cita reúne os líderes dos cinco continentes para trazar as estratexias e iniciativas correspondentes no relacionado coas viaxes e o turismo. Entre os asistentes figuran compañías aéreas, cadeas hoteleiras, axencias de viaxes, operadores turísticos e provedores de tecnoloxías do sector de viaxes. O cumio internacional defende tres prioridades básicas para o desenvolvemento do turismo actual e do futuro: a liberdade para viaxar, as políticas para o crecemento e o turismo para mañá.
Dende 1999, a WTTC celebrouse en cidades como Washington, Dubai, Beijing, Las Vegas, Tokyo e Abu Dhabi.
Os selos que se emiten enmárcanse nunha liña de deseño alusiva aos distintos atractivos turísticos que fan deste país un lugar diferente. No selo de 1 € insírese o logotipo oficial da World Travel & Tourism Council e ten como referencia imaxes alusivas a elementos turísticos da cidade de Madrid.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.