Efemérides.100 años Primera Ley Parques Nacionales

EFEMÉRIDES. DEFENSA E PROMOCIÓN DO PATRIMONIO CULTURAL E NATURAL. XL Aniversario Hispania Nostra

En 1976, con motivo da celebración do "Ano do Patrimonio Arquitectónico Europeo" e en consonancia coa organización Europa Nostra, constituíuse a Asociación Hispania Nostra.
A súa creación estivo motivada pola demanda de participación da sociedade civil en tarefas de conservación do Patrimonio.
Dende 1978, Hispania Nostra encárgase da xestión das candidaturas españolas nos Premios Unión Europea do Patrimonio Cultural, Europa Nostra.
Nese mesmo ano, a súa maxestade dona Sofía foi elixida presidenta de honra.
A Asociación defende o Patrimonio Cultural en toda a súa integridade conceptual e xeográfica, desenvolvendo numerosos programas para iso. Entre as múltiples accións que leva a cabo, hai unha que destaca especialmente. Trátase da "Lista vermella do Patrimonio", unha iniciativa xurdida en 2007 para dar a coñecer, e sobre todo para protexer, aquela parte do Patrimonio Histórico español que se encontra en risco de abandono e perigo. Esta lista elabórase baixo a supervisión dunha comisión científica integrada por especialistas na materia, que seguen criterios como a importancia histórica e arquitectónica, o estado no que se encontran ou o risco que poida recaer sobre eles.
Outra das iniciativas máis novidosas é a chamada "TODOS A UNHA". Trátase dunha plataforma crowdfunding, sen ánimo de lucro, que pretende recadar fondos e así financiar proxectos relacionados co Patrimonio Histórico, Cultural e Natural.
A Asociación Hispania Nostra convoca cada ano un premio que leva o seu nome, xunto á Fundación Banco Santander, coa intención de contribuír á difusión das boas prácticas para protexer o Patrimonio Cultural de España.
Este 2016 cúmprense corenta anos da súa fundación e por iso Correos emite un selo conmemorativo no que aparece unha ilustración que representa elementos arquitectónicos do Patrimonio Histórico e Natural de España.