Data de emisión: 14 outubro 2016
TRADICIÓNS E COSTUMES. MILAGRE DE SANTO DOMINGO DA CALZADA
O Camiño de Santiago, está cheo de historias e lendas, algunhas delas convertidas en belas tradicións.
Unha delas é a que ten como protagonista a Santo Domingo da Calzada. Conta a lenda que unha familia de alemáns, un matrimonio e o seu fillo chamado Hugonell, estaban de peregrinación a Santiago de Compostela. Ao chegar a Santo Domingo hospedáronse nun mesón onde a filla do mesoneiro caeu namorada do mozo alemán. Ao non ser correspondida tramou a vinganza: agochou unha copa de prata no zurrón do mozo e denunciou o roubo. Ao día seguinte cando a familia se dispuña a seguir o seu camiño, as autoridades apresaron o fillo e condenárono a morrer na forca. Tras executarse a sentenza, os pais achegáronse ao corpo do fillo que aínda colgaba da soga e ante a súa sorpresa puideron comprobar que este seguía vivo e atribuía o devandito milagre ao Santo da cidade: "O benaventurado Santo Domingo da Calzada conservoume a vida contra o rigoroso cordel... dade conta deste prodixio", díxolles. Os pais asombrados foron en busca do correxidor da cidade para dar conta do acontecido, pero este, incrédulo díxolles que o mozo estaba tan vivo como o galo e a galiña asados que se dispuña a comer. Nese momento as aves recuperaron as súas plumas e a vida, dando fe daquel milagre.
Desta historia vén o dito "Santo Domingo da Calzada, onde cantou a galiña despois de asada".
Ademais deste milagre, son outros os que se lle atribúen ao Santo, como a curación dun cabaleiro francés do que dicían estar posuído polo demo; ou a recuperación doutro peregrino alemán no século XV que se curou dunha infección nos ollos tras visitar o sepulcro do santo.
O selo que se emite como homenaxe a esta lenda, recolle unha parte da vidreira elaborada polo artista Miguel Ángel Sáinz, chamada "Milagre do galo e a galiña", que se atopa, no interior da Catedral de Santo Domingo da Calzada, xusto enriba do galiñeiro e do anaco da madeira da forca do peregrino.
rif";mso-bidi-font-family:"Humnst777 Lt BT"; font-weight:normal;mso-bidi-font-weight:bold'>
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.