Data de emisión: 02 xaneiro 2016
Ver también turismo montaña “Sobre de Primer Día” y “Matasellos”
Turismo mar "Sobre de Primer Día" y “Matasellos”
TURISMO
O sector turístico en España supón un dos motores máis importantes para o desenvolvemento económico do país, que se converteu nun dos destinos preferidos polos turistas estranxeiros e tamén nacionais. Grazas ao clima, á gastronomía, á ampla oferta cultural e ás excelentes infraestruturas, o turismo crece en España de forma imparable.
Por todo iso, a filatelia contribúe dalgún xeito a difundir o turismo de España coa emisión de selos dedicados a este tema. Os motivos filatélicos proporcionan unha importante información sobre os países que os emiten e poden espertar o desexo por coñecer aquilo que representan, non só entre os coleccionistas, senón entre o público en xeral.
A mediados dos anos 60 comézase a emitir unha serie turística que resalta sobre todo paisaxes e monumentos do territorio español. Anos máis tarde, o turismo segue presente nos selos con distintas emisións, que tratan temas como os castelos e os Paradores Nacionais.
Dende 2010, Correos pon en circulación unha serie titulada Turismo, que acentúa sobre todo a Marca España na arte, a gastronomía, costumes e tradicións que poden atraer persoas de todo o mundo, o que axuda a difundir o mellor do país.
A emisión actual presenta dous selos onde se destaca o turismo de mar e o de montaña. O primeiro deles evoca o turismo de costa co mar, o veleiro e a antuca. A arte e a cultura aparecen simbolizadas na columna, o libro e o pincel. Complétase a imaxe cunha copa que representa o viño español.
O segundo selo reflicte o turismo de interior coa imaxe da serra á beira dun lago. Trata a idea do turismo de aventura cun parapente e deportes de montaña como o sendeirismo e a bicicleta. O turismo rural, tan en auxe nos últimos tempos, queda reflectido na fachada de pedra e a pota de barro que recorda a gastronomía de interior.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.