VEHÍCULOS DE ÉPOCA. COCHES CAMPEONES. Carlos Sáinz

VEHÍCULOS DE ÉPOCA. CARLOS SAINZ.

Unha nova folla bloque protagoniza un anos máis a serie Vehículos de época, esta vez dedicada a Carlos Sainz e o seu Toyota Celica.
O selo presenta a imaxe do coche que en 1990 lle fixo campión do mundo de Rallys e campión de Asia- Pacífico de Rallys, así como en 1991 subcampión do mundo e un ano despois, de novo gañador da competición mundial.
A folla bloque recolle a imaxe do piloto nunha das súas moitas celebracións e presenta como peculiaridade a pegada dun pneumático.
Carlos Sainz nace en Madrid en 1962. Cursa dous anos de Dereito, carreira que abandona para dedicarse á pilotaxe profesional de coches de carreiras.
Nada máis cumprir os 18 anos participa na súa primeira carreira de rallys, o Rally Shalymar co Renault 5 que lle comprara o seu pai e que adaptou para poder participar xunto con Juanjo Lacalle.
A partir de entón foron moitas as carreiras onde participou e pouco a pouco foise facendo un sitio e un nome no mundo da competición.
Foi o único español que gañou o Campionato do Mundo de Rallys, facéndoo ademais en dúas ocasións.
Está considerado como o mellor piloto español de rally da historia, sempre gozando dunha boa condición física e unha gran deportividade.
É coñecido o seu talento para evolucionar os coches e facer deles ferramentas competitivas que lle axudan a conseguir grandes éxitos.
Tras a súa retirada do mundial, animouse a participar no Rally Dakar dende o ano 2006 ata a última edición este mesmo ano. No ano 2010 proclamouse campión da carreira con Volkswagen.
O mítico coche co que gañou os dous mundiais, o Toyota Celica, converteuse en toda unha lenda polos logros conseguidos polo piloto español, sendo hoxe en día un dos máis buscados para os coleccionistas de vehículos deste tipo.