Data de emisión: 03 abril 2017
12 MESES. 12 SELOS. BARCELONA.
Seguindo coa serie inaugurada por Correos este ano, 12 meses, 12 selos, este mes a emisión está dedicada á provincia de Barcelona. O mes de abril, mes da primavera, de renacer, é un dos meses máis importantes para esta provincia, xa que se celebra o seu día grande, Sant Jordi ou día de san Xurxo, que conmemora a morte deste santo o 23 de abril do ano 303. En 1995 a UNESCO proclamou o 23 de abril como Día Mundial do Libro. Ese día, polo tanto, a tradición popular xunta as dúas conmemoracións, co intercambio de rosas vermellas polo santo e un libro pola data sinalada.
Por iso, no selo aparece un libro aberto coa inscrición “Sant Jordi”, xunto a unha rosa vermella.
Sobre o libro repousa unha letra B que, seguindo a liña dos selos emitidos anteriormente nesta serie, representa á provincia mediante as antigas letras de matriculación de vehículos.
A letra está decorada co dragón do Parque Güell, que se converteu en emblema do parque, e que serve para representar o estilo do gran Gaudí e o “trencadís”, un tipo de aplicación ornamental do mosaico a partir de fragmentos cerámicos.
Xunto ao dragón, pódese ver unha das sobremesas máis internacionais do lugar, a crema catalá, elaborada con xema de ovo, azucre, fariña e leite con canela e pel de limón, que, unha vez callada, se queima por enriba e crea unha codia moi fina.
Xunto á crema catalá, aparece o mítico Hotel W, coñecido como hotel vela, deseñado polo arquitecto Ricardo Bofill que alcanza os 99 metros de altura e que forma parte da postal que conforma a imaxe costeira da cidade de Barcelona.
A franxa inferior do selo é de amarela e fai alusión á cor da bandeira da provincia.
Este selo será utilizado como único tipo de franqueo para todos os envíos que se admitan nas oficinas da devandita provincia.
Carmen Álvarez Casanova
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.