12 meses, 12 sellos. Córdoba

12 MESES 12 SELOS. CÓRDOBA

En maio, dous novos selos pasarán a formar parte da serie estreada este ano por Correos, 12 meses, 12 selos. Serán Córdoba e Asturias as provincias que protagonizarán estas emisións, que se utilizarán como único tipo de franqueo para todos os envíos que se admitan nas oficinas das devanditas provincias.
O selo de Córdoba segue a liña dos anteriores e está representado polas letras CO, que representa as antigas matrículas de vehículos en España.
Dentro das letras, pódense ver elementos significativos desta terra.
A mesquita de Córdoba é o monumento máis importante desta terra, símbolo da mestura de culturas que viviu o noso país. Representa a arquitectura andalusí e é un dos monumentos máis visitados de España. Foi declarado Ben de interese cultural e Patrimonio Cultural da Humanidade.
Os Patios cordobeses pintan de cores as rúas cordobesas cada primavera. Ten a súa orixe nas casas romanas e tamén nas árabes, que mesturan o branco das súas paredes encaladas cos vivos tons de xeranios e caraveis. A auga está presente en fontes e canos.
Como representación da fauna, o xabaril, animal presente en moitos puntos da xeografía española e moi abundante no Val dos Pedroches e a Serra de Hornachuelos.
Outro dos símbolos indiscutibles de Córdoba é ese sombreiro dotado de graza e elegancia, o sombreiro cordobés, tamén chamado “cañero” ou “campero”, complemento indispensable para o traxe de curto, que xunto co vermello caravel compoñen unha estampa típica desta fermosa terra, pero que tamén é símbolo do español.
A uva branca Montilla-Moriles, Denominación de Orixe de viños da terra como o novo, fino, amontillado e oloroso.
A lagoa de Zóñar, Reserva Natural dende 1989 e único lago natural que encontramos en Andalucía.
Por último, o salmorexo cordobés, receita a base de tomate, que se toma fría con xamón picadiño, ovo e un bo chorriño de aceite de oliva virxe, produto moi típico tamén desta terra de oliveiras.