12 meses, 12 sellos. Illes Balears

12 MESES, 12 SELOS. ILLES BALEARS.

Este mes, seguindo coa serie de 12 meses, 12 selos, Correos lanza unha nova emisión, esta vez, dedicada a Illes Balears. Durante este tempo, este selo será utilizado como único tipo de franqueo para todos os envíos que se admitan nas oficinas da devandita provincia.

O selo de Illes Balears, segue a liña dos anteriores e está representado polas letras IB, en alusión ás antigas matrículas de vehículos de España.

Dentro das letras, aparece unha montaxe cos elementos máis significativos desta terra.

A illa de Ibiza é unha das máis coñecidas en todo o mundo, pola beleza das súas calas, as súas augas cristalinas e, tamén, polas festas e os clubs que máis fama internacional obtiveron. Salas como Space, Pachá, Privilege ou Amnesia, reúnen cada ano a millóns de afeccionados á música dance, e a moitos turistas encantados coa súa vida nocturna. Pero Ibiza tamén é tradición, cultura, gastronomía, mercados e demais encantos que a converten nun lugar moi desexado.

A lagarta balear, é unha especie de réptil escamoso que adoitaba habitar na illa de Mallorca, Menorca e outros pequenos illotes de arredor. Debido á presenza do home, desapareceu das illas maiores pero segue vivindo nas máis pequenas. Son animais omnívoros que adoitan buscar o sol enriba dos arbustos e que se alimentan de insectos, pequenos invertebrados e tamén, dalgúns animais mortos como ratas ou gaivotas. É un dos símbolos do arquipélago balear.

A Cala de Mondragó é unha das máis bonitas de Mallorca. Está situada no Parque Natural do mesmo nome. Chama a atención o seu ámbito, a paisaxe e, tamén que é unha das menos concorridas da illa, polo que é moi atractiva pola súa paz e tranquilidade.

A famosa ensaimada, é un dos produtos máis típicos do lugar, elaborada con fariña, auga, azucre e ovo, fíxose un lugar dentro da gastronomía do noso país.

A cor amarela da franxa inferior recorda a bandeira da provincia.