Data de emisión: 03 xullo 2017
12 MESES, 12 SELOS. AS PALMAS.
En xullo será As Palmas a provincia que protagonice a emisión da serie 12 meses, 12 selos.
Como vén acontecendo estes meses atrás, durante ese mes, este selo será utilizado como único tipo de franqueo para todos os envíos que se admitan nas oficinas desta provincia.
O selo representa as antigas letras de matriculación de vehículos, neste caso LP, decoradas cunha montaxe onde se poden apreciar os elementos máis relevantes das Palmas.
A catedral das Palmas foi a primeira igrexa das illas. Mandouse construír polos Reis Católicos tras a conquista de Gran Canaria en 1478. Está dedicada a Santa Ana.
O canario, tamén chamado canario silvestre ou serín canario, é ave autóctona da zona, tamén dos Azores e Madeira. Xunto coa palmeira canaria, é un dos símbolos do arquipélago.
As Dunas de Maspalomas é un espazo natural ao sur da illa e está considerada reserva natural especial. A fina area desemboca en longas praias que as converten nun destino desexado por moitos turistas.
Na costa de Teguise, atopamos o Xardín do Cacto: foi creado por César Manrique sobre unha antiga canteira de onde se extraía material volcánico e inclúe máis de 1.400 cactos de 1.000 especies diferentes.
A máscara de carnaval é un dos complementos máis significativos da época máis festiva do ano nas illas. Cores, brillos e maquillaxes artísticas toman as rúas converténdoas nunha explosión de xúbilo e festa.
Por último, o plátano de Canarias de fama internacional, que ademais é o único do mundo que ten Indicación Xeográfica Protexida que lle outorga o recoñecemento de produto de calidade.
No fondo do selo aparece unha imaxe do barrio de Escaleritas das Palmas de Gran Canaria, chea de cor e singularidade.
A cor azul da franxa inferior do selo alude a unha das cores que forman a bandeira da provincia.
Tarifa A - 0,75 €. Para Carta ou Tarxeta postal Nacional Ordinaria "normalizada", ata 20 g.
Tarifa A2 - 0,85 €. Para Carta ou Tarxeta postal Nacional Ordinaria “normalizada”, de 20 a 50 g.
Tarifa B - 1,65 €. Para Carta ou Tarxeta postal Internacional Ordinaria "normalizada" dirixida a Europa (incluída Grenlandia), ata 20 g.
Tarifa C - 1,75 €. Para Carta ou Tarxeta postal Internacional Ordinaria "normalizada" dirixida ao resto do mundo (a excepción EEUU, Canadá, Xapón, Australia e Nova Zelandia), ata 20 g.
Tarifa D - 2,10 €. Para Carta ou Tarxeta postal Internacional Ordinaria "normalizada" dirixida a EEUU, Canadá, Xapón, Australia e Nova Zelandia, de 20 g.