12 meses, 12 sellos. Tenerife

Ver tamén “Sobre de Primeiro Día” - “Cuño”

Santa Cruz de Tenerife súmase á serie que Correos iniciou este ano, 12 meses, 12 selos. Durante o mes da súa emisión, este selo utilizarase como único tipo de franqueo para todos os envíos que se admitan nas oficinas da devandita provincia. O selo de Santa Cruz de Tenerife segue a liña dos anteriores e está representado polas letras TF, que representa as antigas matrículas de vehículos en España.

Dentro das letras, pódense ver elementos significativos desta terra.

Papas con mojo picón: a papa non falta nunha mesa Canaria. Un dos seus pratos máis coñecidos en todo o mundo, son as papas arrugás con mojo picón. O mojo é unha salsa típica cuxo ingrediente principal é o que se coñece nas illas como pementa picona, que é un chile picante fresco.

Drago milenario: é o símbolo vexetal da illa de Tenerife. Conta a lenda que tomou o seu nome do latín, que significa “dragón”, porque estes animais alados se converteron nesta árbore cando desapareceron. Ten unha particularidade moi especial: o seu zume é de cor vermella e non branca, como acontece na maioría das especies vexetais.

Delfín: non é raro ver preto das costas canarias estes cetáceos. Considérase unha das especies máis intelixentes que habitan o planeta. Estes animais chegan a interactuar cos humanos e son moitos os turistas e interesados que chegan ás illas para avistalos.

Entroido: o Entroido celébrase dun xeito intenso e moi especial nas Illas Canarias. O de Santa Cruz de Tenerife está considerado como o segundo carnaval máis popular do mundo, despois do de Río de Xaneiro en Brasil. Foi declarado Festa de Interese Turístico Internacional.

Teide: esta marabilla natural é a máis visitada de España. Trátase dun volcán de 3.718 metros de altitude sobre nivel do mar, polo tanto, é o pico máis alto do país. Forma parte do Parque Nacional do Teide e foi declarado Patrimonio da Humanidade pola UNESCO.

A cor azul da franxa inferior fai alusión á cor principal da bandeira da provincia.